Sehemu ya Saba – Ujasiriamali | Utekelezaji wa Wazo la Biashara

Utekelezaji wa wazo la biashara

Ili wazo la biashara liweze kutekelezwa, yako mambo makuu matano ya kufanya:

Mpangilio wa wazo la biashara kwa mfano

• Aina / hali ya biashara unayoiwaza
• Nani atakayemiliki biashara hiyo – familia, ubia, kikundi n.k.
• Aina ya leseni inayohitajika – grosari, vileo, mgahawa, duka n.k.

Bainisha soko kwa kutilia maanani mambo yafuatayo

• Aina ya bidhaa/huduma utakayotoa na kwa wateja gani?
• Mbinu zitakazotumika ili uweze kuwa tofauti na washindani wako ili biashara ivutie wateja.
• Njia bora zaidi ya usambazaji na uuzaji.
• Eneo bora na nafuu kwa biashara yako.
• Namna ya kutangaza biashara yako.

Fikiria namna ya kupanga na kuendesha biashara yako

• Utahitaji vifaa vipi na wauzaji wake ni nani.
• Ni huduma gani na ukarabati gani wa vifaa unahitajika.
• Malighafi utaipata kutoka wapi.
• Namna ya kuchagua na jinsi ya kuwamotisha wafanyakazi ulionao.
• Fikiria namna ya kupanga uzalishaji na uuzaji wa bidhaa zako.

Uchambuzi wa fedha

• Chambua gharama za uzalishaji.
• Upangaji wa bei.
• Fanya makisio ya faida na hasara.
• Fanya makisio ya kitega uchumi na mtaji wa kazi.

Mipango

• Weka mipango na hatua za kuchukua ili kuanza utekelezaji kidogo kidogo.
• Pangilia fedha iliyopo.
• Panga hatua za kutekeleza wazo la biashara.
• Pangilia kwa makini huduma inayohitajika na mahali inapopatikana.
• Bainisha njia mbalimbali za kupata fedha kwa njia ya vitega uchumi.

Author: Sir Gunda

A Friend of Education View all posts by Sir Gunda